… kung ngano siya pa man.
Wa ko kabalo kung ngano ing-ani man akong dughan pirme basta madunggan nako ang iyang pangalan.
Na dapat wala lang basta magkita mi.
Na dapat dili ko mulingi sa iya basta mulingi pud siya.
Wala ko kabalo kung ngano kanunay ko makulbaan basta magkita among mga mata bisag wala gituyo.

Wala ko kabalo ngano ing-ani man.
Ug wala pud ko kabalo kung unsaon ni pag-undang.
Kabalo ko na dili jud magkakami – pero mas kabalo ko na siya ang sulod sa akong dughan bisag unsaon.
Siya karon,
siya puhon,
Ug sa sunod mang kinabuhi – siya lang gihapon.

– El

wala ko kabalo
Photo by Noah Buscher on Unsplash
emotions love